K'cho gui aw
Shin ah K'chopakhui learning center ung cu computer a mong lam hmat tu hta hlawk cu k'cho chang van am k'pai tu ba naak ah kia ci. Shin ung om ci gui a tah däm daa pii hleih hnu hmat ci a om ung phi a cun naw ng'lung ng'lak na ne a na bi tu püi vai ng'yaak hlü nei. Shin ah pyan naak ung kä om pha ci ah nami hmat tu hlü ah mong lam a om ung phi email awn shang ne nami gah khai nei. A cun ah nami shan ah monglam gui cu a shin ah learning center ung ning taih peit gui hning vai ah k'thaa naak vai nei.
Kä ning m'thein tu gui hning, kä ning m'shang gui hning ah monglam a om i gui ung phi kä na mi thüi en vai. A sho, a yät kä pien en ah k'thaa na ne läi ning m'shang gui hning vai ah k'thaa naak vai.
A hnuh hmat tu gui van am a shin ung ka noh m'thein tu ba hlü ci naw phi contact a bi lawvai ng'yaak hlü nei. K'cho chang van a phäh ah htung mang phyak khai ah hnuh hmat naak gui phung cu a shin ung ka naw van am mi k'pai tu ba kaw.
1. Internet (website, blog, email and more)
2. Software and program (How to use software)
3. Online K'cho Ca ng'thei naak
4. K'cho Dictionary (ang pyi law ung taih naak vai)
5. K'cho Ca ca-uk gui (shui ba yah)
